සහන් සටහන්

Click here........ How to create a animated button using flash

2010-09-15T20:21:00.001+05:30

කාලෙකින් බ්ලොග් එකට ගොඩ උනා..... හැබැයි මේ ලියන එකනම් කවුරු දකීද දන්නෑ..... ම්ම් මොකක්ද ඒ හරුපෙ, ආ මම අලුත් ඩොමේන් එකක් ගත්තනේ, ඒක මේ බ්ලොග් එකට ඇමිණුව දැන් තිබ්බ ඩොමේන් එකත් නෑ දාපු එකත් නෑ.... බලමු තව ටිකකින් වැඩ කරන්නැතෑ. මේ පෝස්ට් එක දාන්න හේතුව කවුරුත් දන්න කියන බ්ලොගර්ල දෙන්නෙකුගෙ ඉල්ලීම් මත. Trix Hunter සහ මනුෂාන් කියන මල්ලිල දෙන්න තමා මට ෆ්ලෑශ් වලින් මොනවහරි කුප්පියක් දාන්න කියල හුඟක් දවස් ඉඳන් කරදර කරන්නේ.... . මොකක් ගැන ලියන්නද කියල හිතහිතා ඉද්දි තමා ට්‍රික්ස් කීවේ ෆ්ලෑශ් වලින් ඇනිමේටඩ් බටන්ස් හදන විදිහ දාන්න කියල, ඔන්න ඒ නිසා වෙබ් සයිට් වලට පොඩි පොඩි බටන් කෑලි කීපයක් හදල දාගන්න විදිහ ලියන්න හිතුව.....

How to create a animated buttons using flash CS 3 ........

මේකෙදි මම නම් බොහෝ වෙලාවට Adoebe Photoshop වලින් හදාගත්ත Button design එක Flash වලට ඉම්පෝට් කරල තමා ගන්නේ මොකද ඒකෙන් වැඩේ පොඩ්ඩක් වටේ ගියත් ලස්සනට කරගන්න පුලුවන්,

01. මුලින්ම එහෙනම් ඕපන් කරගන්නකෝ ෆ්ලෑශ් as 2.0.
02. පොටෝ ශොප් වලින් හදාගත්ත හෝ ෆ්ලෑශ් වලින්ම හදාගත් බටන් එක ෆ්ලෑශ් වලට අරගන්න
03. මෙන්න මේ වගේ....

කැමති පාටක් කැමති හැඩයක් දෙන්න ..........

04. ඊලඟට මේ හදපු object එක select කරල කීබෝඩ් එකේ F8 ඔබන්න

මේ පින්තූරෙ තියන විදිහටම කන්වර්ට් කරන්න Movie clip එකක් විදිහට (බටන් නෙවෙයි හරිද)
දැන් ok කරන්න.

05. හදාගත්ත මූවි ක්ලිප් එක ඩබල් ක්ලික් කරන්න එතකොට අපේ මූවි එකේ සීන් 1 ඇතුලට යයි. එතන මෙන්න මෙහෙමයි
පහලින් අපි හදාගත්ත බටන් එක තියනව... ඊට උඩින් ලේයර් (වල මම කලින් හදපු ලේයර්) තියනවා. දැන් මම හදල තියනව වගේම අමතර ලේයර් අරගන්න,
☺ Bg (background) කැමති බැක් ග්‍රවුන්ඩ් එකක් දාගන්න
☺ Project1_btn ඒක තමා අපේ බටන් එක
☺ Invisible_btn ඉන්විසිබල් බටන් එක තමා මොන ජාතියෙ බටන් එකක් හැදුවත් පිටිපස්සෙ ඉඳන් හැම වැඩේම කරන්නේ... ( මූ තමා පොර)
☺ Animation ලේයරේ තියෙන්නේ අපි බටන් එක උඩට කර්සර් එක ගෙනාවම වෙන්න ඕන ඇනිමේශන් එක.
☺ Action මෙතන තමා ෆ්ලෑශ් වල හැමදෙයක්ම පාලනය වෙන්නේ... (ඒව ඉස්සරහට )

හරිනේ එහෙනම් ඔන්න බටොං එක හදන්නයි යන්නේ............

☻ මෙතනදී බැක්ග්‍රවුන් ලේයරේයි බටන් එකේ ග්‍රැපික් ලේයරෙයි අවශ්‍ය ගානකට කීෆ්‍රේම් දෙන්න ඕන ඒකට ඕන කීෆ්‍රේම් එක ක්ලික් කරල F5,
☻ දැන් ඇනිමේශන් ලේයරේ පලවෙනි කී එක සිලෙකක්ට් කරල මෙහෙම මොකක් හරි වෙන්න ඕන දෙයක් හදන්න ඕන මම ගත්තෙ මේ ග්‍රේඩියන්ට් එක

(නිල් පාටින් සිලෙක්ට් වෙලා තියෙන්නේ ග්‍රේඩියන්ට් එක)

☻ දැන් ග්‍රේඩියන්ට් ලේයර් එක හරි මැදට කීෆ්‍රේම් දීල එක උඩ ඉඳන් පහල එන්නත්... එතන ඉඳන් ආපහු උඩට යන්න ඉතුරු ෆ්‍රේම් ටිකත් හදන්න ඕන.
☻ ctrl + enter ප්‍රෙස් කරල බලන්න හදපු ඇනිමේශන් එක, බටන් එක උඩ ග්‍රේඩියන්ට් එක නොකඩවා උඩපහල යයි
☻ ඒ නොකඩවා යන ඇනිමේශන් එක නවත්තන්නත් මවුස් එක ලඟට ගේනකොට විතරක් ඇනිමේට් වෙන්නත් හදන එක තමා දැන් කරන්න යන්නේ.
1. action කියල හදපු ලේයර් එකට් කී ෆ්‍රේම් එකක් ඇඩ් කරල ඒකට ක්ලික් එකක් දාල F9 ප්‍රෙස් කරන්න.
(දැන් එයි පොඩි වින්ඩෝවක් ඒකෙ තමා අපි ලියන ඇක්ශන් ස්ක්‍රිප්ට් දාන්නේ...) එතන

stop();

කියල ටයිප් කරන්න, වින්ඩෝව close කරන්න

☻ දැන් ඉන්විසිබල් බටන් එක... ඒකට කරන්න හියෙන්නේ අපේ invisible_btn ලේයරේ ක්ලික් එකක් දාල
1. ctrl+f8 හෝ insert--> new symbol
2.
3. Ok කරන්න එතකොට මෙහෙම එකක් එයි
ඒ එන එකේ ඔය විදිහට hit එකට ක්ලික් එකක් දාල F6 ඔබල කීෆ්‍රෙම් දෙන්න
4. ඒ දුන්නත් මැද කොටස නිකම්ම හිස් සුදු පසු බිමක් තියෙයි.... ඒ කොටසෙ අර මුලින් හදපු බටන් එකේ ප්‍රමානෙට පොඩි කොටුවක් අඳින්න.... ඇඳල ආපහු අපේ සීන් එක මුලට එන්න

5.
මේ විදිහට....

6. invisible_btn ලේයර් එක ක්ලික් කරල මුල් කීෆ්‍රේම් එකේ ඉඳන් ctrl+L (Library panel එක ඇතුලෙ ඇති හදපු invisible_btn බටන් එක ඒක ඩ්‍රැග් කරල දාන්න අපේ project1_btn එක උඩට)

අවශ්‍ය සයිස් එක දෙන්න හරියට බටන් දෙක එක උඩ තියෙන්න හදල

7. invisible_btn උඩ click එකක් දාල f9 ඔබන්න

on (rollOver) {
gotoAndPlay(2);

}

ටයිප් කරන්න

8. දැන් Ctrl+Enter ගහල බලන්න බටන් එක වැඩද කියල.....

☻ හම්මෝ........ පෝස්ට් එකේ දිග.......... බටන් වලට URL එකක් දෙන විදිහ සහ තව වැඩ සහ කිඩ දාපු බටන් එකක් හදන විදිහ ඊලඟ පෝස්ට් එකට දාන්න හිතුවෙ මේකෙ දිග දැක්කම.

☻ මේක තමා ඇනිමේශන් බටන් එකක සරලම අවස්ථාව, මේකම තමා තව තව ඇඩ්වාන්ස් වෙන්නෙ. sound එතකොට transition වගේ දේවල් එක්ක ලස්සන වින්ඩෝස් 7 ලුක් එකක් තියන බටන් සෙට් එකක් හදන ක‍්රමේ ඊලඟ පෝස්ට් එකෙන් (ඒක කවද දායිද කියන්න බෑ ඔන්න)

Essential Firefox add-ons (for every one)

2010-08-11T18:08:00.005+05:30

මේ දවස් ටිකේ ඔන්න බ්ලොග් පෝස්ට් එකක් දෙකක් ලියන්න වෙලාව හදාගත්තා, ඒකත් ටිකක් ලියනවා සේව් කරනව ඔන්න ඔහොමයි වෙලාව හදාගන්නේ... මේ පෝස්ට් එකත කාලයක් තිස්සේ ලියල තිබිල අද ඉතුරු ටික ලියල අවසන් කලේ... [ඒ ලියල තිබ්බ කොටස් ටිකම දැම්මනම් ඔන්න අලුත් ඇඩෝන දෙකක් මිස් වෙනවා ] ඔන්න එහෙනං වල් පල් පැත්තක දාල මම වැඩිම වැඩ ගන්න ඇඩෝනෙ ඉඳන් අඩු එකට දාන්නම්....

1.qsFox

මේක ඉතිං කාටවත් කියන්න ඕන නෑනේ ලංකාවෙ වගේම සිංහල බ්ලොග් ලියන කවුරුත් දන්නව මේ ගැන, qsfox තමා මම වැඩියෙන්ම භාවිතා කරන්නෙ.

2. EnSi tip
අනික තමා එන්සි ටිප්.... වැඩේ කියන්නේ එන්සිටිප් අඩවිය නවත්තල දාලනේ .

ඒත් මොක නැත්තත් ඇඩෝන් එකනම් මටනම් අතිශය වැදගත් ඒ නිසා කෝකටත් කියල අවශ්‍ය අය විතරක් බාගන්න දැං මේක ගන්න එක හොර වැඩක් කියල හිතනවනම් ගන්න එපා .

3. Speedbit Video Downloader
යූ ටියුබ් වීඩියෝ බාන්න [ඒ විතරක් නෙවේ වීබ් පිටුවල තියන ඕනම ජාතියෙ වීඩියෝ බාන්න] කියාපු භාන්ඩෙ

මේක තියෙන්නෙ Speedbit Video Downloader පොඩි exe එකක් ඒක දැම්මම ෆයර් ෆොක්ස් ඇඩෝන් එක ඔටෝ ගන්නව. මෙතනින් Download කරගන්න.

4. FireFTP

මේකත් මේ ලඟදි මාට්ටු වෙච්ච එකක්.... ඒත් ඒ දවස් ටිකට මම ගොඩක් වැඩගත්තා, FileZila එහෙම වගේ නැතත් ලොකු වැඩක් හදිස්සියට කරගන්න පුලුවන් අනික ඉන්ටර්නෙට් කැෆේ එකකදි එහෙම මොකක් හරි අප්ලෝඩ් කරගන්න උනත් පහසුයි. අනික මම දැකපු ලස්සනම ලෝගෝ එක හරී හුරතල්

5. Profile password
මේක දැම්මෙ ඊයෙ.... මොකද trixhunter මල්ලි දාල තිබ්බනේ, ගුගල් Chrome ඕපන් වෙද්දි පාස්වර්ඩ් එකක් දාන හැටි. ඒ දැක්කම මට හිතුන ක්‍රෝම් වලට තියනවනං, මෙච්චර ඇඩෝන් තියන ෆයර් ෆොක්ස් වලට පාස්වර්ඩ් දාන්න ඇඩෝන් නැතිවෙන්න බෑනේ ...... ඔන්න හොයාගත්ත එකක් දාලම බලන්න නියමෙට වැඩ.
කරන්න තියෙන්නෙ ඇඩෝනෙ දාල අපිට අවශ්‍ය පාස්වර්ඩ් එක දෙන එක විතරයි. ෆයර් ෆොක්ස් ඕපන් වෙනකොට අපි දුන්න පාස්වර්ඩ් එක ඉල්ලනව (වැදගත්ම දේ මේකෙදි ක්‍රෝම් වල වගේ අපි දෙන පාස්වර්ඩ් එක ටෙක්ස්ට් විදිහට පෙන්නන්නෑ)

6. Xmarks

තව ඩිංගයි අමතක වෙනවා මේක නැත්තං ඉඳල වැඩක් නෑ.... මොකද මෙච්චරකල් තියාගෙන කියවපු යාලු බ්ලොග් [ඇඩ්‍රස් මතක තියාගන්නව කියල කීයක් ද අප්පේ]. මේ xmarks නං මොසිල්ලා විතරක් නෙවෙයි දැනට තියන හැම බ්‍රවුසරේකටම තියන එක්ස්ටේන්ශන් එකක්.
අනිත් දේ තමා මගේ බුක්මාක්ස් වෙනත් ඕනම තැනකදී ඕනම කම්පියුටර් එකක ඕනම බ්‍රවුසර් එකකට ගන්න පුලුවන් වීම.

7. Nightly Tester tool

මෙක තමා මේ ඔක්කොම වගේ ඇඩෝන් එක්ක සෙල්ලං දාන ඇඩෝන් එක මොකද Firefox version එක අලුත් වෙනකොට සමහර ඇඩොන් ඒ සමග අප්ඩේට් වෙනව අඩුයි (එන්සිටිප් එක එහෙමනං කොහොමටවත් නැතිවෙයි ) ඒ වගේ අවස්ථාවලදී මේ ටූල් එක හරහා ඒ ඉන්කම්පැටිබල් ඇඩෝන බලෙන් ඉන්ස්ටෝල් කලහැකීයි.

දැනට මේව විතරයි මම භාවිතා කරන්නෙ, තව අලුතෙන් හම්බවුනොත් ඒවත් දාන්නම්........
මේ ගැන ඔයාලගෙ අදහස් වගේම තව වැඩ සහ කිඩ දාන්න පුලුවන් add-ons තියනවනම් ඔය පහල තියන comments කියන තැන ඒව දාන්න පුලුවන්

හාඩ් එකේ තියන ඉඩ මදිද?

2010-08-07T17:34:00.012+05:30

හාඩ් ඩිස්ක් එකට තව අමතරව ගෙගාබයිට් 25ක් එකතුකරගන්න කැමති අය ඉන්නවනම් මේක බලන්න , වැඩේ මෙන්න මේකයි කස්ටිය දන්නවනේ ආ නෑ නෑ ඉස්සරවෙලා කියන්න ඕන මේක මේවනවිටත් දන්න අය ඉන්නවනම් වැඩේ තවත් ලේසී.... මොකද මුල ඉඳලම යන්න ඕන නෑනේ... මේ මුල ඉඳලම කියන්න යන්නේ කලින් මේගැන නොදැන හිටි අයට.

එහෙනං වැඩේ මේකයි... හැමෝම දන්නවනේ "මයික්‍රොසොෆ්ට් වින්ඩෝස් ලයිව්" හොට් මේල් හරි ලයිව් ID හරි තියන අයට වැඩේ තවත් ලේසීයි, Microsoft Windows Live තියන අය දන්නව ඇති ඒ සමග ලබාදෙන SkyDrive පහසුකම 25GB නොමිලේ...!!

Live ID එකක් නැත්තං ඔය දුන්න ලින්ක් වලින් එකක් හදාගන්න මුලින්ම, ඊලඟට ඔය ස්කයි ඩ්‍රයිව් එකට ගිහින් පොඩ්ඩක් බලන්න රවුමක් දාල..

ඊටපස්සෙ මෙන්න මේ වගේ ඕක අපේ PC එකේ My Computer වලට මැප් කරගන්න ඕන.

ඒකට කරන්න තියෙන්නේ SD Explorer එක බාගෙන ඉන්ස්ටෝල් කරගන්න එක තමා..... (ඕකෙ BASE කියල එක වෙලුමකුත් PRO )

SDExplorer ඉන්ස්ටෝල් කරගත්තම පොඩි අයිකනයක් එනව මයි කොම්පියුටර් වලට ඒක ඩබල් ක්ලික් කලාම මෙන්න මේ වගේ Login window එකක් එනව

ඒකට අපේ Live ID එක දෙන්නයි තියෙන්නේ.....

සිම්පල් ප්ලෑන් එකක්............
කියල තව වැඩි පහසුකම් සහිත වෙලුමකුත් තියනව, මම නම් ඉතින් BASE එක තමා අපි ඔය හොර බඩු ලඟ තියාගන්නෑනේ

සහන් සටහන් - හරියටම අවුරුද්දයි.....

2010-07-22T18:55:00.005+05:30

ඔන්න අද ඒකියන්නේ 2010.07.22 වන දින 6:55 ප.ව වෙනකොට මගෙ බ්ලොග් කෙරුවාවට හරියටම අවුරුද්දයි.

මුලින්ම "සහන්ගේ බ්ලොග් සටහන" කියල www.myblog,lk එකේ පටන් ගත්ත බ්ලොග් එක පස්සෙ බ්ලොගර් වලට ගෙනාවා... බ්ලොග් කෙරුවාව කීවට නං වැරදී මොකද බ්ලොග් ලියන්න ගත්තෙ හරියටම අවුරුද්දකට කලින්.... බ්ලොග් කියවන්න අරගත්තෙ ඊට කලින්.

මුලදි කොම්පියුටරේ තිබුනේ XP ජංජාලෙ නෑ. ඔන්න ටික කාලෙකින් ගෙදර SLT ලයින් එකෙන් ජම්ප් එකක් දාල ප්‍රීපේයිඩ් කාඩ් වලින් ජාලගතවුනා ඒත් සිංහල ගැනවත් යුනිකෝඩ් ගැනවත් මෙලෝහසරක් දන්නෑ.... ඔන්න ටික කාලෙකට පස්සේ මුලු කොම්පීතරේම කෑලි මාරු කරලා අලුතෙන් ප්‍රොසෙක් එහෙම දාල මොඩිෆයි කලා, ඊටත් ටික කාලෙකින් ආපහු ජාල උණ හැදුනා... ඔන්න දැං ටවුම වටේ රවුම් ගහනවා SP කෙනෙක් හොයන්න, Dialog, Mobitel බැලුවා 3G නෑ, SLT ,Dialog Wi-Max දුර වැඩී කීවා.. පස්සෙ ලංකාබෙල් Wi-Max ගත්තා... මුල් කාලෙ යූටියුබ් එකේ වීඩියෝ බලන එකයි ටියුට් බාන එකයි තමා කලේ...

ඔහොම යනකොට Vista තිබුන නිසා එක සයිට් එකක සිංහල තියනව දැක්කා ඒ "සිංහල බ්ලොග් කරුවන්ගේ සංසදයේ" ගූගල් සමූහයේ ගිය ත්‍රෙඩ් එකක් මේ තියෙන්නේ ඒක ඕක දැකපු වෙලේ ඉඳලා සිංහල ගැන පුදුම හෙවිල්ලකින් තමා හිටියේ ඒ අතරෙ SBU Google Group එකේ පේජ් එක HTML විදිහට සේව් කරගෙන ටික ටික කියවන්න ගත්තා. ඒ අතරෙම කාලිංග අයියගේ ඊමේල් ලිපිනය හොයාගෙන සිංහල වචන කාලිංග අයියගෙ බ්ලොග් එකෙන්ම කොපිකරල වාක්‍ය හදලා මේල් එකක් යැව්වා කොහොමද සිංහල ලියන්නේ, සහ බ්ලොග් එකක් පටන් ගන්නේ කියල (ඒත් එක්කම අර වචන කොපි කරපු එකත් කීවා). ඊට ටිකකට පස්සේ කාලිංග අයියගෙන් මේල් එකක් ආවා ඔන්න ඒකෙ තිබ්බේ "සිංහල බ්ලොග් එකක් පටන්ගන්න හැටි" අඩවියට ලින්ක් එකකුයි "සිංහල බ්ලොග් කියවනය" ට ලින්ක් එකකුයි සහ අර වචන කොපි කරපු එක කාගෙන්ද කොපි කලේ කියල කියනවනම් ප්‍රශ්නයක් නෑ කියලයි තමා.....

එතනින් තමා ඔන්න sahan.myblog.lk පටන් ගත්තේ, ඊටපස්සෙ ඒක ඇඩ්කලා සිංහල බ්ලොග් කියවනයට, පස්සෙ තමා මේ බ්ලොගර් එකට පැන්නේ ඕං. ඔය අතරේ ටෙක් කතා එහෙම ජීවිතයේ එක අංගයක් වෙලා තිබ්බේ සතියකට අහන්න ප්‍රශ්න එකතු කරගෙන ටෙක් කතාවලට දාන්නත් මග නොඇර සතිපතා අහන්නත් අමතක කරන්නෑ... එතකොට බයිස්කෝප්lk .... ඔහොම යද්දී බ්ලොග් කියවනය හරහා තව බ්ලොග් ලියන අය හුඟාක් අදුරගන්න පුලුවන් උනා ඒ අතර "දිලංක" Thilina බුවා "ක්ෂිතිජ සහන්" (නම =නිසා ) "මනුශාන්" (මූනු පොතෙන්) "බනියා" (මේ ගූගල් වේව්) "කණියා" (කණියව සෙට් උනේ වින්7 දන්න ගිහින්නේ) "බිඟුවා" "ත‍රිඳු" කෙහෙල් කොටුවෙ චූටි මහත්තයා"(සයිබර් යාය) "පබළු" "නීනු" ඕ ඕ කව්ද අමතක උනේ..... අප්පට සිරි "නදුන්" එතකොට "චතු" මේකව සෙට් උනේ අර ගූගල් වේව් අමාරුව හැදුන කාලෙ වේව් තියන කෙනෙක් හොයන්න දඟලනකොට.... ඒ කතාව මෙහෙමයි ඔන්න දවසක් මම තව කවුරුහරි සිංහල බ්ලොගර් කෙනෙකුට කමෙන්ට් එකක් දැම්මා මටත් වේව් එකක් එවන්න කියලා ටික දවසක් යනකොට මෙන්න පොරක් මට චැට් එකේ ඉන්විටේෂන් එකක් එවලා.. මම කව්ද කියල ඇහුවම කියපි මම තමා ඔයාට ගූගල් වේව් ආරාධනාව එව්වෙ කියලා...

ඊට පස්සේ ඔහොම බ්ලොග් ලියන කියවන අතරෙ තිබ්බ බ්ලොග් පෝස්ට් එකක් සිංහල ඉංග්‍රීසි ශබ්ධකෝශයේ Data Base එක ඕන අය ඉන්නවනම් ඉල්ලන්න කියල.... ඔන්න ඕකෙන් තමා අර "වැප්" සෙට් උනේ..... ටික කාලෙකින් "චතුරංග" චැට් එකෙන් කියල තිබ්බ ලෝගෝ එකක් හදන්න පුලුවන්ද කියලා, ඉතින් විභාගයක්ද මොකක්ද අස්සේ කීපයක්ම හදලා යැව්වා ටිකදවසකින් කියපි මෙන්න අලුතෙන් එන යන බ්ලොග් කියවනයට මේක හදන්නේ කියල. ඒ තමා මේ තියෙන්නේ..... ඔන්න දැං මම ලාංකීය සිතුවිල්ලේ තවත් එක සාමාජිකයෙක්.

ඔය අතරේ බ්ලොග් මැරතන් දීවා එතකොට කවිමඩුවෙ කවි ලීවා ඔන්න ඔහොමයි මගේ වසරක බ්ලොග් ජීවිතේ ......... ඒ අතරේ නම් නොකීව තව සිය ගනනක් බ්ලොග් ලියන යාලුවො ඉන්නව......

My Phone History & what's next

2010-06-14T18:29:00.008+05:30

ඔන්න කාලෙකිං මේ පැත්තේ ආවේ..... මොකද ලාංකීය සිතුවිලි එකෙන් වෝර්නිං එකක් දාල තිබ්බනේ . ඒ නිසාත් කාලෙකිං ගෙදර ඉඳං කරන්න දේකුත් නැතුව ඉද්දී හිතුනා මොකුත් ලියන්න ඕනෙ කියල, ඉතිං මොනවද ලියන්නෙ කියල ඉන්නකොට හිතුන මම කාලයක් තිස්සෙ පාවිච්චි කරපු මොබයිල් ෆෝන් ගැන ලියන්න ඕන කියල , ඒත් එක්කම දැනට පාවිච්චි කරන ෆෝන් එක දැකල දැකලම එපා වෙලා ඉන්න නිසා අලුතෙන් එකක් ගන්නත් කම්පනා කලා ඒකට අයිඩියාවක් දැනගන්නත් එක්ක ඕං මේ ලියන්නේ. එහෙනං ඉස්සරලම කියන්නං මට ෆෝන් පිස්සුව ගැහුවෙ කොහොමද කියල පලවෙනියටම ගත්තේ Motorola a130 එකක් ඒක ගත්තෙ අප්පච්චි ඊට පස්සෙ Motorola Startac, Ericsson T10 (මාස හයක් විතර) ඊලඟට Sony Ericsson T105 5900ට තමා ගත්තේ . ඒ අස්සෙ තව කැමරා ෆෝන් බලන්න කඩවල් ගානෙ යන්නත් අමතක කොලේ නෑ. ඒ අතරේ හාවෙක් අල්ලගෙන 5900ට ගත්ත ෆෝන් එක අවුරුද්දක් විතර තියං ඉඳලා 5600කට වික්කා. ඒත් කැමරා ෆෝන් එකක් ඒ දවස්වල රු 20000ක් විතර වෙනවනේ... ඒ වෙනකොට අතේ 4000ක්වත් නෑ. පස්සෙ ට්‍රිප් එකක් යන්න සෙට්වෙලා අප්පච්චිට කියල ඉතුරු සල්ලි ගෙන්නන්ගෙන ගත්තා Samsung X620 එකක් ඒ වෙනකොට A/L ඉවර වෙලා සතියක් වත් නෑ..... ඒත් ගත්ත ෆෝන් එකේ (X620 උනාට යාලුවගෙ තිබ්බ X600 තරම්) ෆොටෝ පැහැදිලි නෑ. ඔන්න සති දෙකකට විතර පස්සෙ යාලුවගෙ අයිය (කඩේ බුවා එයාගෙ යාලුවෙක්) එක්ක ගිහින් X620 ඒ කඩේටම දීල X640 එකක් ගත්ත , ඒක කියල වැඩක් නෑ නියමයි....... හැබැයි වීඩියෝ නෑ මෙමරි නෑ ඒත් ෆොටෝ කොලිටියනම් නියමයි.

ඔය අතරෙ එකෙක් කියපි Nokia 6630 වගයක් තියනව වෙන රටකින් ගෙනැත් මෙහෙ අන්ලොක් කරල විකුනනව 9000ට කියල..... යකෝ ඒ දවස්වල 22000ක් වෙච්ච එක 9000ට තියනවනං ඉතිං කවර කතාද? මට දෙකක් ඕනෙ කියල යාලුවයි තව අපේ ගෙදර ඉස්සර ගෙදර යාලුවෙකුයි ගියා අර මෑන්ස්ව මාට්ටු වෙන්න. මෙන්න බුවා කියපි මගෙ නෙවෙයි ෆෝන් මම දන්න කෙනෙක්ගෙ කියල පහුවෙනිද දෙන්නං කියල. ඔන්න පහුවෙනිද එලිවෙනකොට අපි උගෙ ගේ ඉස්සරහ..... ඒපාර මූ කියපි අද පන්තියෙදි ෆෝන් ගේන කෙනා හම්බෙනව පන්තිය ඇරෙන වෙලාවට එන්න කියල. මක් කොරන්නද ආපහු ගෙදර ඇවිත් ගියා 4ට විතර අරූගෙ පන්තිය ලඟට. ඒපාර මූ කියනව යාලුව ආවෙ නෑ කියල............. පස්සෙ 9000හෙ 6630 පැත්තක දාල ආව ගෙදරට. ඒ වෙනකොට මට 6630ක් ඕනෙම වෙලා හිටියෙ ඒ නිසා Samsung X640 විකුනල ගත්ත කඩෙන්ම Nokia 6630ක් 18000කට.

ඒකත් ශෝයියං ෆෝන් එක මම කාලයක් ආසාවෙං පාවිච්චි කරා. ඔන්න ඒ අතරෙ ආපහු වෙන ෆෝන් එකක් ගන්න හිතිල පින්තූර එකතු කරන්න පටන් අරගෙනයි තිබ්බේ...... ඒ අතරේ 6630 වික්කා යාලුවගෙ අයිය කෙනෙකුට (තාම එයා ලඟ ෆෝන් එක නියමෙටම වැඩ). ඒත් පිංතූර එකතුකොලාට කෝ සල්ලි අලුත් එකක් ගන්න. ඒ අතරේ එක එක ජල්ටොං දාල නානාප්‍රකාර ෆෝන් පාවිච්චි කලා..... ඒ අතරෙ Nokia 3230 එකක් තිබ්බා අකමැත්තෙන් හරි පාවිච්චි කලා (ඒත් ඒකෙ තිබ්බ මරු කාර් ගේම් එකක් මම ෆෝන් වල ගේම් ගහන්න කැමති නැති උනත් ඒකනම් මට අල්ලල ගියා). ඊලඟට Nokia 1100 හප්පා ගින්දර ෆෝන් එක වැටෙනව පොලවෙ ගහනව සින්ක් එකට වැටුන කිසි ලෙටක් නෑ. නෑ බෑ කියන්නෑ එකපාරක්වත් කිසි කරදරයක් දුන්නෑ. ඔන්න ඒ අස්සෙ අර පින්තූර එකතුව සෑහෙන්න ලොකු වෙලා තිබුනෙ ඒකෙ N73, N93, W810i, K800i, K810i, වගේ ජාති ඒත් එක්කම කැෆේ එකක් පැත්තෙ ගියොත් www.gsmarena.com එකෙන් ටැබ් 5ක්වත් ඕපන් කරල තමා වෙන වැඩක් කරගන්නේ. ඒ අතරෙ යාලුවෙකුගෙ තිබ්බා Sony Ericsson P990i කියල එකක් පොඩ්ඩක් කරකවල එහෙම බැලුවම මාරයි කියල හිතුන ඔන්න පින්තූර කලෙක්ෂන් එකට තව සාමාජිකයෙක් සෙට් උනා........ පස්සෙ ඒ යලුවගෙන් එහෙම ඇහුවම කීව නියමයි කියල (ඒ වෙනකොට එයාගෙ ෆෝන් එක එකෙක් උස්සල). තීරනය කලා P990i එක ගන්න. ගියා ෆෝන් කඩේකට ඇහුව ගාන 47000යි කිව. හෆොයි තව තැනකින් ඇහුවම කීව 39000යි කියල ඔන්න එකක් දෙන්න කීවම සතියකින් දෙන්නම් කීව පස්සෙ සතියක් තිස්සෙ එතෙන්ට කෝල් දිදී ඉඳල ගියා ගත්ත. 2GB මෙමරි කාඩ් එකටත් එක්ක 42000ක් උනා ඔන්න ෆෝන් එක.

දැනට අවුරුද්දයි මාස ගානක් කිසි ලෙඩක් කරදරයක් නෑ බැස්ටිය සතියක් තියනව. ඕන්න ආපහු පින්තූර එකතු කරන්න ගත්තා මේ දවස්වල වෙන එකකට පනින්නයි යන්නේ............. මොකක්ද හොඳ ඇපල් iPhone 3Gs or 4, Samsung Omnia 2, Nokia වලටනම් දැං මම කැමති නෑ මොකද නොකිය ගෙයි චීන කොපි (චීන කීවට ඒව චීන නෙවෙයි අරාබි) වලයි වෙනසක් නෑනේ. වැඩියෙන්ම කැමති Sony Ericsson වලට මොකද කොපි නෑ ලෙඩ නෑ පහසුකම් අපරිමිතයි යූසර් ෆ්‍රෙන්ඩ්ලි, ඒ නිසා මේව ගැන පොඩ්ඩක් හොයනව Sony Ericsson satio,Vivaz,ඒ අතරින් හිත ගියෙ XPERIA X10 එකට ඇන්ඩ්‍රොයිඩ් ඕඑස් එකත් එක්ක ඉන්ටර්ෆේස් එක එහෙම මාරම මාරයි. ඒ අතරෙ හොඳ එකක් තියනවනම් කමෙන්ට් එකකින් කියන්න.....

Flash animation සහ ඒ ආශ්‍රිත වැඩ දමන්නන්ට

2010-05-19T14:35:00.003+05:30

මේක මම ෆ්ලෑශ් ඉගෙන ගන්න කාලෙ දාපු පොඩි සෙල්ලමක්.... අනිත් කාරනේ තමා මේ දවස්වල මට බ්ලොග් ලියන්න වෙලාවක් නෑ වගේම මොන්ව ලියන්නද කියල හිතා ගන්න බැරුව හිටියේ ඒත් එක්කම මට මතක් උනා බ්ලොග් මැරතන් එකේ ලියපු පෝස්ට් වලින් කීපයක් පල කරන්න.... ඔන්න එහෙනම්...................

මේක ෆ්ලෑශ් ඇනිමේශන් කරගන්න පුලුවන්පොඩ් සොෆ්ට්වෙයාර් එකක් මම මේක බාල තියාගෙන මේකෙන් දානවා වැඩ කෑලි, ඒවා ගෙනිහින් පෙන්නනවා පන්තියේ අනිත් උන්ට....
ඒ යක්කු හිතාගෙන ඉන්නේ මම මාර පොරක් කියලා...
ඒත් දවසක් රෙදි ගැලවෙන්න ගිහින් යාංතං ගැලවුනා....

මුලින් කියන්නත් බැරි උනානේ මොකෙන්ද මේක කරන්නේ කියලා...
මෙන්න මේකෙන් තමා ඒ වැඩ දැම්මේ...
ඒ තමා සෝතින්ක් SWF Easy කියන්නේ.ඕකෙන් නිකං MS PowerPoint වල වගේ ෆ්ලෑශ් ඇනිමේෂන් හදන්න පුලුවන්...
මුලින්ම බාගෙන බලන්න.. පොඩි පොඩි ඇඩ් එතකොට වෙබ් බැනර් වගේ අයිටම් දාන්න නියම භාන්ඩේ.
(ඒ වගේම මේ sothink වල තව තව ජල්ටොං තියනවා වෙබ් ඩිසයින් වලටත් පොඩි වැඩ දාන්න පුලුවන්)
මම පන්තියෙ කස්ටියට මම ඇඩෝබි ෆ්ලෑශ් වලින් හදන ඒවා කියලා කියලා මේවා තමා ගෙනිහිල්ල පෙන්නන්නේ.....

මේකයි අර කියපු රෙදි ගැලවෙන්න ගිය සීන් එක.....

පන්තියෙදී දුන්නා ෆ්ලෑශ් ඇනිමේටඩ් වෙබ් බැනර් එකක් හදාගෙන එන්න කියලා මෙතෙක් කල දේවලින්.
මට ඉතිං පන්තියෙ උගන්න ෆ්ලෑශ් වලට වඩා කවුරුත් වැඩිය නොදන මේ සෝතින්ක් එකනේ හුරු...
හැදුවා පොටෝෂොප් වලින් පින්තූර ටිකක් ඇදල ගත්තා SWF Easy එකට දුන්නා slide transition තුන හතරක්....
මේ තියෙන්නේ ප්‍රොෆිශනල් වෙබ් බැනර් එකක්... ලස්සනට ඩේලිය මල් අත්තකට පිණි බින්දු වැටිල ගලාගෙන ගිහින් කැමරාවෙ වීදුරුව දිගෙත් ගලාගෙන ගිහින් දාරෙන් ලිස්සල වැටෙන්න... ඒ කියන්නේ ඩේලිය අත්ත කැමරාවකින් දකින සීන් එකක් හැදුවේ.....
පන්තියට ගෙනිච්චම මෙන්න බොලේ ලස්සනම සහ හොඳම එක මේක...
සර් කියපි කොහොමද කියන්න මේ අයටත් මේක හැදුවෙ කියල... ඔයාලත් බලාගන්න සහන් මේක ආපහු පාරක් හදල පෙන්නයි කියල..... ඔන්න දැං මගෙ කං දෙක එහෙම රත්වේගන එනවා ඒ මදිවට දාඩියත් දානවා, පන්තියේ කොච්චර පන්ඩිතකම් කීවත් දැං කතා කරගන බෑ පැටලෙනවා,
මක් කරන්නද හැදුවා ඒකම ෆ්ලෑශ් වලිනුත්.... ඒ වගේම

ඔය තියෙන පින්තූරෙ කපුටගෙන් උස්සල තමා ඇනිමේට් කරල හැදුවේ. ඇනිමේශන් එකේනම් දැං කෑලිත් නෑ.. ඒක හදපු කොම්පියත් නෑ.

(අනිත් කාරනේ තමා මේ ලිපිය මම උපුටාගත්තේ මම සිංහල බ්ලොග් මැරතන් එකේ ලියපු මැර-සහන් බ්ලොග් එකෙන්. ඒකෙනම් මේක සලාක ක්‍රමේට දැම්මේ මෙකෙ පොඩි පොඩි වෙනස්කම් කීපයක් කලා එච්චරයි)

සහන්ගෙ ලැප්ටොප් කතන්දරේ...

2010-03-28T12:23:00.019+05:30

රට වටේ රවුම් ගහලා දන්න කියන හැමෝගෙන්ම ( ටෙක් කතා ගූගල් සමූහයෙන්) අහලා , කාලයක් තිස්සෙ බලාගෙන හිටපු ලැප්ටොප් එක ගත්තා මේ මාසෙ (ඒ කියන්නෙ 2010 මාර්තු 26 වෙනිදා ). හුඟාක් දෙනෙකුගෙන් ලැබුනු ප්‍රතිචාර ගැන හෙව්වෙ අතේ තියන ගානට හොඳම එකක් ගන්න නේ , ඉතිං මේ තියෙන්නේ ඒ ගත්ත ලැප්ටොප් එක.

acer 4736z එකක් කීප දෙනෙක්ම කීවා acer හොඳයි කියලා ඒ නිසයි ඒකම ගත්තෙ අනිත් එක මේක හුඟක් ලස්සනයි කියල හිතුනා, compaq වගේ ලැප් වලට හුඟදෙනෙකුගෙන් හොඳ ප්‍රතිචාර ලැබුනෙ නෑ ඇයි කියලනම් දන්නෙ නෑ.

ආ එතකොට ඔය පින්තූරෙ දකුණු පැත්තෙ තව ලැප්ටොප් එකක කෑල්ලක් පේන්නෙ ඒක තමා මගෙ මෙච්චර කාලයක් අව්වට වැස්සට පින්නට දූවිල්ලට ඔක්කොටම හිටපු Toshiba satellite එක. දැං ඒක ලෙඩ වෙලා ඒ කියන්නෙ LCD එකේ යටින් තීරුවක් (අඟලක විතර)

සුදුපාටවෙලා. හේතුව දන්නෙ නෑ හදන්න දෙන්න ගියාම බෑ කීවා කොහොම හරි මාස ගානක් දඟලලා අලුත් එකකට මාරු උනා කියමුකෝ මේකෙ තියන වැඩකෑලි මම තාම දන්නෙ නෑ හරියටම, මට අහුවෙච්ච එකම එක තමා (මේකෙත් තියනවනේ අර ලගෙ තියන මල්ටි ටච් සීන් එක) අන්න ඒක. වැඩේ කියන්නේ මට ඒක හරියට කරන්න හුරුනෑ (හුරු නෑ නෙමේ බෑ හරියටම කීවොත් ) ඇඟිලි දෙකෙන් සූම් කරන්න එතකොට නෙක්ස්ට් කරන්න නානාප්‍රකාර ගැජංපින්

Circular-motion scrolling
Pinch-action zoom
Page flip

ඔය තියෙන්නෙ ඒ සංසිද්දිය තමා

එතකොට මේ තියෙන්නේ සෝට් කට් කී

ආ මම මේව කීවට මේකෙ තියන ස්පෙක් එක කීවෙනෑනේ

Operating System
* Genuine Windows 7® Ultimate
Processor & Chipset
* Intel® Pentium® mobile processor T4200 (1 MB L2 cache, 2 .2GHz, 800 MHz FSB, 35 W)
* Mobile Intel® GL40 Express Chipset
Memory
* 3GB Dual-channel DDR3 SDRAM support
* Up to 4 GB of DDR3 1066 MHz memory using two soDIMM modules
HDD
* 320GB SATA Hard Disk Drive
Graphics
* 64 MB of dedicated video memory, up to 1695 MB of shared system memory, supporting Microsoft® DirectX® 10
* Dual independent display support
* 16.7 million colors
* MPEG-2/DVD hardware-assisted capability (full decode)
* WMV9 (VC-1) and H.264 (AVC) support (full decode)

Storage
* DVD Super Multi double-layer combo drive
* 5-in-1 card reader,
Multimedia
* Dolby®-optimized surround sound system with two built-in stereo speakers
I/O Interfaces
aspire 4736z Acer Aspire 4736z Review and Specifications
* 5-in-1 card reader (SD™, MMC, MS, MS PRO, xD)
* HDMI™ port with HDCP support (හැබෑටම මොකක්ද ඒ)
* Three USB 2.0 ports
* External display (VGA) port
* Headphone/speaker/line-out jack with S/PDIF support
* Microphone-in jack
* Line-in jack
* Ethernet (RJ-45) port
* Modem (RJ-11) port
* DC-in jack for AC adapter
Communication
* Acer InviLink™3 802.11b/g Wi-Fi CERTIFIED® network connection, supporting Acer SignalUp™ wireless technology
* Bluetooth® 2.0+EDR
* Gigabit Ethernet, Wake-on-LAN ready
* 56K ITU V.92 with PTT approval12, Wake-on-Ring ready
Keyboard & Special Controls
* 86-/87-/91-key keyboard, with inverted “T” cursor layout
* Multi-gesture touchpad pointing device supporting:
* Easy-launch buttons: WLAN, Bluetooth®, programmable key, file backup, volume up, volume down, touchpad lock
* Media control keys (printed on keyboard): play/pause, stop, previous, next
Power supply and battery
* ACPI 3.0 CPU power management standard: supports Standby and Hibernation power-saving modes
* 48.8 W 4400 mAh 6-cell Li-ion battery pack: • 3-hour battery life13
Weight and dimensions
* 342 (W) x 239 (D) x 23/38.6 (H) mm
* 2.3 kg (5.07 lbs.) with 6-cell battery

ඔන්න ඔහොමලු උනා කියන්නේ

ඒත් එක්කම මම මේක ගන්න කලින්
"Laptop එක හොදද" කියල අහපු එකට ප්‍රතිචාර දක්වල මාව දැනුවත් කල සමීර ශාකුන්තල,චතුරංග රූපසිංහ,මාලින්ද ප්‍රසාද්,චතුර සන්දීප,W.H. කල්ප පැතුම්,තේජාන් රත්නයක, ලාල් වික්‍රමසිංහ, ඇතුලු සහෝදරයින්ට ස්තූති කලයුතුයුයි.

Im a FOSS rock සහ එතනින් ඔබ්බට

2010-03-11T16:59:00.001+05:30

අද මට මේක ලියන්න හිතුනේ මෙන්න මේ නිසා... මම බැලුවනේ Antitrust ඒක ගැන විස්තර කියන්න ඕන නෑ මොකද ඔය ලින්ක් එකෙන් ඒගැන ඇන්ත්‍රැක්ස් සොහොයුරා බයිස්කෝප්.lk එකට ලියපු ලිපිය තියන නිසා. ඒ ෆිල්ම් එක බලනකොට මට හැගුන දෙයක් තමා මේක ලියන්න මුල් වෙච්ච කාරනේ,ලෝකේ වානිජ මෘදුකාංග නිපදවන්නෙක් සහ නිදහස් මෘදුකාංග ලෝලීන් අතර ගැටුමක් තමා යන්නේ... මෙතෙන්දී මට හැගුන දේ තමා මම ලියන්නේ මොකද දැං නිදහස් මෘදුකාංග හුගාක් ජනප්‍රිය වේගන යන නිසා අපේ රට වගේ ආර්ථික මට්ටමෙන් අඩු රටවල පරිගණක පරිශීලකයන්ට බොහෝ සතුටට කරුනක් ඒ නිසාම අපේ රටේත් FOSS rock ලා ගීක්ලා බිහිවෙලා...

ඒ අතරම වානිජ මෘදුකාංග වලට සමහරු පලු යන්න බනිනවා ඒවා නිශ්පාදන සමාගම්,නිශ්පාදකයින් හෙලාදකිනවා උදාහරනණයක් විදිහට ගත්තාම bill gates ට බැනීම සහ Mark Shuttleworth ට හොද කීම. මේ විදිහට මේ නිදහස් මෘදුකාංග සහ වානිජ මෘදුකාංග අතර සටනින් කව්ද දිනන්නේ කීවොත්?.....
අපේ කවුරුත් කියයි නිදහස් මෘදුකාංග කියලා මේකත් අර ධනවාදය සහ සමාජවාදය වගේම දෙයක් එහෙම කීවේ මොකද ඉදිරියේදී මුලු ලෝකයම නිදහස් මෘදුකාංග වලට හැරී අනික්වා අතහැරියොත් මොකද වෙන්නේ එහෙම වෙනවනම් හොදයි කියනවා ඒත් ඕකෙ තව පැත්තක් මතුවෙන්නෙ නැද්ද...... දැං Mark Shuttleworth උබුන්ටු නොමිලේ දෙන්නේ ඔහුට වෙනත් ආදායම් මාර්ගයක් තියෙන නිසා වීමට පුලුවන් ඒත් කවදා හරි ඔහු ඒක නවත්තන්න ඉඩ තියනවා, ඒ වගේම බිල් ගේට් මේ යන විදිහට වැඩේ පාඩුයි කියලා තියන සල්ලි ඇති හින්දා වැඩේ නවත්තන්න ඉඩ තියනවා, මේ ඔක්කොම පෙල ගැස්සුවොත් මුදල් ගෙවලා මෘදුකාංග සංවර්ධනය කරන්නන් තියාගෙන නිදහස් මෘදුකාංග හදලා නොමිලේ බෙදාහරින්න කව්ද ඉන්නේ එහෙමත් නැත්තං මෘදුකාංග සංවර්ධනය කරන්නන් නොමිලේ වැඩ කරන්න එයිද ?
තව දෙයක් විවිද ඉලෙක්ට්‍රොනික හෝ තාක්ෂණික මෙවලම් හි භාවිතාවන මෘදුකාංග නිදහස් ඒවා වෙන්න පුලුවන් ඒවා වුනත් එම උපකරනය මුදල් දී ලබා ගැනීමට සිදුවෙනවා උදාහරණයක් විදිහට ගත්තොත් අපි පාවිච්චි කරන ජංගම දුරකතන වල දුවන මෙහෙයුම් පද්ධතිය ගත්තත් ඒක නිදහස් මෘදුකාංගයක් වූ පලියට ජංගම දුරකතනය නොමිලේ ලැබෙන්නේ නෑ නේ......(එවැනි සමාගම් වලදී නම් මෘදුකාංග වැඩිදියුනු කරන්නන් හට වටිනාකමක් ලැබෙනවා )
අනිත් කාරනේ තමා අපි foss rock කියාගෙන හිටියත් මේ අය ඔක්කොම ෆොස් උනොත් වාසියක් නැති තැන මේ ඔක්කොම අතහරිනවා .........

Barn Buddy cheates - බාන්බඩියේ හොරවැඩ

2010-02-27T15:21:00.004+05:30

මේකනම් කියන්න හිත හදාගත්තේ ටිකක් අමාරුවෙන් මොකද මේකෙන්නේ බඩගෝස්තරේ රැකගත්තේ :P . මම මේක ඔයාලට විතරයි කියන්නේ වෙන කාටවත්ම කියන්නේ නෑ ඔයගොල්ලොත් දන්න කියන හොදම යලුවෙකුට ඇරුනම මේක ප්‍රසිද්ධ කරන්න එපා :D
මම කියන්න යන්නේ කොහොමද බාන්බඩියෙ extra point (XP) වැඩිකරගන්නෙ කියන එකයි (ගොඩාක් නම් නෙවෙයි ශක‍්‍යතාව අනුව වෙනස් වෙනවා ;) අනික තමා කොහොමද බඩුමුට්ටුවලින් හේන වහගෙන ඉන්න අයගෙන් හොරෙන් කඩන්නේ කියලා....
නොමිලේ සීඩ් ගන්න විදිහත් කියන්නම් ඒකනම් ඔයගොල්ලො දන්නව ඇති

1. කතාවක් අහල ඇතිනේ හැමෝම අර රත්තරං බිත්තර දාපු කිකිළිගෙ බඩ පලලා වැඩියෙන් පෝසත් වෙන්න ගිය ගම රාළගේ කතාව... මේකත් ඒ ක්‍රමේමයි නමුත් සාර්ථකයි :D කරන්න තියෙන්නෙ අපේ කිකිළිට ක්ලික් කරනකොට අපිට 5 x 5 x 5 සමග බිත්තරේ වික්කම 50ක් XP ලැබෙනවනේ....

කිලිළි ට මුල් click දානකොට එයා බිත්තරේ දාන්න කූඩුවට එනවා එතකොට වැඩේ නවත්තන්න ඕන, ඊලඟට farm එකේ මැද right click කරලා Qulity > Low දෙන්න ඊට පස්සෙ My farm එකට ආපහු එන්න.(බාන් බඩී පිටුව පමණක් reload කරන්න) දැං කිකිළි ඉන්නෙ වෙනතැනකනේ,ඊටපස්සෙ ආයපාරක් කිකිළිට 3 පාරක් click කරන්න, කූඩුව ලඟට එද්දි click නවත්තන්න, ඊටපස්සෙ ආයෙත් බාන් බඩී පිටුව පමණක් reload කරන්න.දැං ආය පාරක් කිකිළිට click කරන්න, කූඩුව ලඟට එද්දිම නවත්තන්න. ආය පිටුව reload කරන්න. ආය කිකිළිට click කරන්න. ඔහොම කර කර ඉද්දින් ඔයාලට XP 15 එව්ව 4ක් 5ක් ගන්න පුලුවන්. (තව ඕනෙනම් තියෙන්නෙ තව තව click කරන එක:) දැං ඇති කියල හිතුනොත් හරි එපා වුනොත් හරි කිකිළි කූඩෙ ලඟට ආවම තව එක ක්ලික් එකක් දාල බිත්තරේ ඇහිඳ ගන්න.

2. ඔන්න එහෙනම් හොරුන්ගෙන් හොරකම් කරන්නෙ මෙහෙමයි...

කවුරුහෝ යාලුවෙක් හේන වහල දාල අනිත් අයගෙන් හොරෙන් කඩනවනම් මේකයි කරන්න ඕන, මුලින්ම වහපු හේනට යන්න ඊලගට අර මුලින් කීව විදිහටම හේනෙ මැද right click කරලා Qulity > Low දෙන්න ඊට පස්සෙ farm එක රීලෝඩ් කරන්න මේ විදිහට
ආපහු හේනට ඇවිල්ලා
Qulity > High දෙන්න එසැනින් කිකිළියි පාත්ති ටිකයි ඉතුරු වෙලා අනිත් item ටික අන්තරස්ධාන් වෙනවා දැං ඉතින් නිසි නින්දෙ කඩන්නයි තියෙන්නේ හැබැයි බල්ලන්ගෙන් ප්‍රවේසම් වෙලා :D

3. සීඩ් ගන්නනම් කරන්න තියෙන්නෙ FB හොර එකවුන්ට් එකක් හදලා ඒකෙත් හේනක් කොටන්න ඊටපස්සෙ ඒක අපේ එකවුන්ට් එකට ඇඩ් කර ගන්න ඕන... හොර එකවුන්ට් එක පටන් ගන්නකොටම BB credit එහෙමත් දෙනවනේ ඒවත් ගන්න පුලුවන් එත්කොට ඒ එකවුන්ට් එකෙන් සීඩ් අරගෙන අපේ එකට gifts විදිහට යවන්න පුලුවන්. හැබැයි දවසටම එකයිනේද යවන්න වෙන්නේ... ඔව් එකක් යවන්න පුලුවන් එක Browser Tab එකකින්නේ ;) ටැබ් ඕන තරමක් open කරලා එකකින් එක ගානෙ යවන්න පුලුවන්.....

ඔන්න ඕකයි මගේ Barn Buddy දියුනුවේ රහස...........

ගේම් දෙකක්, රටවල් දෙකක්, එක කතාවක්.........!!

2010-02-25T01:56:00.000+05:30

එංගලන්තෙ Foot Ball (soccer) කන්ඩායමක්.......... ඉංදියාවෙ cricket කන්ඩායමක්....... මේ දෙකේ එක පොදු ලක්‍ෂණයක් තියනවා ඒ ගැන කියන්න තමා මේ හදන්නෙ.

කාලෙකට පස්සෙ බ්ලොග් එකේ මොනවද ලියන්නෙ කියල හිත හිතා ඉන්නකොට තමා අහම්බෙන් වගේ මේ කතා දෙක සෙට් උනේ.

මම දැන් දවස් කීපයකට කලින් බාගත කලා හින්දි චිත්‍රපටයක් නම Dil Bole Hadippa ඒකෙ කතාව කෙටියෙන් මෙහෙමයි. ක්‍රිකට් උන්මාදයකින් පෙලෙන කෙල්ලක් වීරා ඒ ප්‍රදේෂයේ ක්‍රිකට් කන්ඩායමකට බැ‍ඳෙන්න යනවා නමුත් ඇයව ප්‍රතික්ෂේප වෙනවා, ඒ ඇය කාන්තාවක් නිසා. නමුත් ඇය පිරිමියෙක් විදිහට වෙස්වලාගෙන ක්‍රිකට් කන්ඩායමට තෝරාගැනීමේ ප‍රීක්‍ෂණයට සහභාගී වෙනවා,ඉන් කන්ඩායමට එක් වෙන වීර් කන්ඩායමේ නායකයා පුහුණු කරුගේ පුතා (ප්‍රධාන නළුවා)ගේ හිත දිනාගන්න අත‍ර ඇය සාමාන්‍ය වීරා ලෙසද පෙනීසිටිනවා. අන්තිමේ දී ත‍රඟය පවත්වන අවස්ථාවේදී මේ සිද්දිය එලිවෙනවා.

මේ Film එක බැලුවට පස්සෙ මට තේරුනා මේ කතාවෙම වගේ ඉංග්‍රීසි Film එක මම මීට කලින් බලල තියනවනෙ කියලා.

පොතේගුරා baiscopelk සයිට් එකේ ටික කාලෙකට කලින් දාපු මේ She's the Man කියන Film එකෙත් කතාව මීට හැම අතින්ම වගේ සමානයි නමුත් මේකෙ තියෙන්නෙ පාපන්දු කන්ඩායමක් ගැන, අර කීව වගේම මේකෙත් ඉන්නවා Foot Ball පිස්සුවෙන් ඉන්න කෙල්ලක් Viola, පාසලේ පාපන්දු කන්ඩායමක ඉන්නවා නමුත් පුහුණුකරු විසින් ගැහැනු ළමුන්ගේ කන්ඩායම නවත්වා දමා ත‍රග වලින් ඉවත් ක‍රනවා මීට විරුද්ධ වෙන ඇය තම සහෝදරයා සේ වෙස්වලාගෙන ඔහුගේ පාසලේ පාපන්දු කන්ඩායමට එක්වෙනවා.. ඒ අත‍ර මාර සිද්දි වෙනවා ඔක්කොම කියන්න බෑ වගේ වැඩි විස්ත‍්රත් එක්ක ලින්ක් තියනවා බලනව නම් බාගත ක‍රගෙන බලන්න.

She's the Man
Dil Bole Hadippa

(ආ කියන්න ඕනම ක‍රන දේ කියන්න බැරි උනානේ....!! මේකයි මම මීට කලින් පෝස්ට් එකකිනුත් නිර්මාණ පිටපත් කිරීම ගැන කීවා "ඉස්සර කාලෙ ඉදලම වෙන රටවල (ඉන්දියාවෙ) නිර්මාණ නිර්දය ලෙස අනුකරණය ලංකාවෙ කලාකරුවන් කියාගන්නා පිරිසක් විසින් කරන දෙයක්" කියලා. බලාගෙන ගියාම ඉංදියාවත් ක‍රන්නේ ඒකමනේ :D )

පෑනෙන් ජනෙල් සවි කිරීම Win to flash

2010-02-22T20:20:00.001+05:30

Netbook එකකට හ‍රි optical drive එකක් නැති ප‍රිගණකයකට හ‍රි windows 7 (මොකක් හෝ OS එකක්) දාන්න උනොත් ? මොකද ක‍රන්නේ ඒසදහා microsoft ආයතනයෙන් නොමිලේ දෙන Windows 7 USB/DVD Download Tool යොදාගතහැකීයි. ඒත් පොඩි අවුලක් තියනවා ඒ සදහා windows 7 නම් එහි නියම ISO එකමයි යොදාගතයුත්තේ, අපි DVD එකේ කොපියක් දුන්නොත් කෙලින්ම බෑ කියනවා.
එතකොට කොහෙන්ද අපිට original windows 7 iso එකක්. ඒක ඉතිං හැමෝටම තියන ගැටලුවක්. ඔන්න ඔය පුරස්නෙට නැටි හලාගෙන උත්ත‍ර හොයනකොට තමයි මතක් උනේ කණියව මොකද කණිෂ්ක මීට කලින් ලියපු පෝස්ට් එකක් හ‍රහා තමා මම windows 7 බාගත්තේ, ඒත් ඒක දැං මගේ ලග නැති නිසා තමා කණියගෙන් ආපහු ඉල්ලගන්න හැදුවේ නමුත් ඒකත් USB/DVD Download Tool එකට හ‍රි ගියේ නෑ.....
පස්සෙ තමා මේ ගැජමැටික් එක ගැන කිව්වෙ.
ඒ තමා Wintoflash මේකෙදී අපිට disk image එකක් mount ක‍ර හෝ DVD drive එක හ‍රහා USB pen drive එකට windows 7 රිංගවන්න පුලුවන්, හොදම දේ තමා මේක දෙන්නෙත් නොමිලේ වීමත් මේක microsoftලගෙ එක වගේ ඉන්ස්ටෝල් ක‍රන්න දෙයක් නැති portable වීමත්. අනිත් කාරනේ තමා මෙමගින් ඕනෑම bootable software (live cd එහෙමත්) pen drive වලට ගතහැකිවීම.මම දැම්මේ windows 7 එකයි Xp sp2 යි දෙකම හොදටම වැඩ, මම ප‍රීක්ෂාකලේනම් windows 7 ඒත් Xp එකත් ක‍රද‍රයක් නැතුවම load වුන නිසා ඒකත් අවුලක් වෙයි කියල හිතන්න බෑ.
මේ වැඩේ ක‍රන්නෙ කොහොමද කියන එක මේ screen shots වලින් බලාගන්න
මේකෙ හ‍රියට ක්ලික් එකක් දැම්මම ඊලග වින්ඩෝව
මෙතනින් තමා අපි වින්ඩෝස් තියන DVD එක තියන drive එකයි අපේ pen drive එකයි තෝරල දෙන්නේ

අපිට පෙන් එකට දාන්න ඕන os එක මොකක්ද?

වැඩේ හ‍රි...... දැං DVD එකෙන් Pen එකට, හැබැයි ටිකක් වෙලා යයි....

මෙතනින් Torrent එක බාගන්න
(ආ කියන්න අමතක උනානේ මේගොල්ලො මේ software එක දෙන්නෙත් Torrent වලින්තමයි)

Flash analog clock for blog widget

2010-01-17T09:50:00.007+05:30

හුගක් අය තම තමන්ගෙ බ්ලොග් වලට ෆ්ලෑෂ් වලින් හදපු clock දාගෙන තියනවා නමුත් එම විජට්ටුවල දැක්ක අඩුපාඩුවක් නිසා තමා මම මේ පෝස්ට් එක ලියන්න හිතුවේ. අඩුපාඩුව තමයි ඒ ඔරලෝසුව ලගට cursor එක ලං කලාම එක එක ඇඩ් දාන එක. එහෙම නැතුව තමන්ගෙම flash clock එකක් හදාගෙන තමන්ගෙ බ්ලොග් එකේ පැත්තකින් තියාගන්න ඕන නම් මෙන්න ක්‍රමේ.
මේ සදහා මම බාවිතා කලේ Adobe Flash CS3 වෙලුම තුල එන Action Script 2.0 තමා. ඉස්ස‍රවෙලාම බලමු clock එක හදන විදිහ.
මුලින්ම ෆ්ලෑෂ්වල Action Script 2.0 file එකක් open ක‍රගෙන

ඔරලෝසු මුහුනතට තමන්ට ඕන ක‍රන සයිස් එකක් දෙන්න ඕන.

ඊලගට මේ තියනව වගේ ලේයර් ටික හදාගන්න වෙනවා ඒත් එක්කම ඒ සදහා නම් දාගැනීමනම් අනිවාර්යෙන්ම කලයුතුයි.මොකද එහෙම නොකලොත් ඔක්කොම පැටලිලා ජංජාලයක් වෙලා අල වෙච්ච වාර අනන්තයි :D .
හැම layer එකකටම frame 2 ගානෙ දෙන්න (F5)

ඊගාවට තමා කටු සෙට් එක හදාගන්නෙ. ඒක තමන්ට ඕන විදිහක‍ට ක‍රගතහැකියි ලස්සන කටු ටිකක් පැය,මිනිත්තු සහ තත්ප‍ර කටු මම නම් ෆ්ලෑෂ් වලින්ම දාගත්ත lines තමා ගත්තෙ අවශ්ය දිගවල් වලට.(ලස්සන ඕනම නම් පොටෝෂොප් වලින් වැඩ කෑල්ලක් දාගන්න)
ලයින් ටූල් එකන් ඇදගත්ත කටු (හදාගත්ත ඉමේජ් නම් ඒක ඉම්පෝට් ක‍්රගන්න ස්ටේජ් එකට) Movie clip ක‍රගත යිතුයි ඒකට කී බෝඩ් එකේ F8 ඔබල එන වින්ඩෝවෙන් Name එක (තත්ප‍ර කටුව sec) විදිහටත් Type එක Movie Clip විදිහටත් දෙන්න. ඒත් එක්කම ඕකෙ තියන Registration කියන තැන
මේ වගේ තියෙන්න ඕන (නැත්තං කටු ටික යකා නටන්න ගන්නවා ;) )
ආ යට තියන Movie Clip properties හි තියන instant name එකට ඔරලෝසු කට්ටෙ නම දෙන්න
උදා:- තත්ප‍ර sec
මිනිත්තු min
පැය hour

වෙන්න ඕන අනික තමයි මේ ඔක්කොම ඊට අදාල ලේයර් වලම තියෙන්නත් වෙනවා.
ඒත් එක්කම තව දෙයක්

කටු ටික මේ වගේ center point එක පැත්තකට ක‍රන්න ඕන ඒකට (Q)shortcut කී එක press ක‍රල free transform tool එකෙන් පුලුවන් මේ විදිහට

කටු වැඩ ඉව‍රයි නම් ඔන්න දැං තියෙන්නෙ script එක ලියන්න.
මුලදි මම කියපු ලේයර් වල action කියල නම් කල ලේයර් එකට ගිහින් පලවෙනි key frame එක ක්ලික් ක‍රල (F9) key එක press කලානම් හ‍රි දැන් මේ script ටික ඒකට දාන්න.

time=new Date();
seconds = time.getSeconds()
minutes = time.getMinutes()
hours = time.getHours()

hours = hours + (minutes/60);

seconds = seconds*6;
minutes = minutes*6;
hours = hours*30;

sec._rotation=seconds;
min._rotation=minutes;
hour._rotation=hours;

දාල ඉව‍රවෙලා Ctrl+Enret ගහල බලන්න වැඩද කියලා.....

දැං ඔරලෝසු මූන (මම නම් ගූගල් සෙවුමකින් ගත්තෙ)හදලා පිටිපස්සට දාන්න.

done

දැං මේක දාමු බ්ලොග් විජටුවලට......

මුලින්ම හදාගත්ත පිටි මිශ්‍රණය බේක් ක‍රගන්න ඕන (හුටා වැරදුනා) clock.swf එක upload ක‍රගන්න ඕන. මම දැම්මෙ fileden වලට.URL එක අරගෙන

<embed src="http://www.fileden.com/files/2010/1/6/2715467/clock1%20%282%29.swf" quality="high" allowscriptaccess="always" type="application/x-shockwave-flash" pluginspage="http://www.macromedia.com/go/getflashplayer" align="middle" height="150" width="150"></embed>

අලුතෙන් widget (HTML/JavaScript Add ) එකක් ඇඩ් කරල උඩ තියන කෝඩ් ටික ඒකට දාන්න.
පෝස්ට් එකේ උඩම තියෙන්නෙ සුදු background එක නැතුවනේ...!
ඔව් ඒකට ක‍රන්න තියෙන්නේ කෝඩ් එකේ embed tag එකේ පිටිපස්සට wmode="transparent" කෑල්ල දාන්න. දැං හ‍රි
source file eka clock.fla මෙතනින් ගන්න

This update will make you safer on the web.

2010-01-06T23:52:00.006+05:30

ඔන්න අවුරුද්දකට පස්සෙ සහන් ආවා බ්ලොගේ පැත්තෙ (ඒකත් අහම්බෙන්) . හැමෝටම සුභ නව වස‍රක් කියල ප්‍රාර්ථනා ක‍රන ගමන් කියන්නම් මොකක්ද මේ Title එක කියලා, ආ මම මේ බ්ලොග් පෝස්ට් එක හිටිහැටියේ ලීවේ ලස්සනම ලස්සන ෆිල්ම් එකක් අත‍රමග නවත්තලා, ෆිල්ම් එක ගැන නම් පෝස්ට් එකක් ලියන්නම හිතෙනවා මොකද කියනව නම් ඒක මටම හදපු එකක් කියල හිතෙනවා... anyway කියන්න හිටපු එක නෙවෙයිනේ දැං මේකා කියවන්නේ කියල බලනව ඇති(බලන අය).
දැං එමු Title එකට මම මේ දැන් ෆිල්ම් එක pause ක‍රලා ගිනින‍රියට ක්ලික් එකක් දැම්මා මගේ හේනේ (barn buddy) පලදාව නෙලන්න කියලා මොකද අප්පා ඩිංග බැරි වෙනකොට කොලු රැල පනිනවනේ ඒකට .
ආපහු Title එකට........ ගිනින‍රියා open ක‍රනකොටම කියපි You’ve been updated to the latest version of Firefox . කියලා.. මම හිතන්නේ ඔයගොල්ලන්ගෙත් න‍රිය අප්ඩේට් වෙන්න ඇති. ඒ කියන්නේ 3.5.7 වෙලා මම නම් බලාගෙන ඉන්නේ ඕක කවදද 4.0 වෙන්නෙ කියල එතකොටනම් හුගාක් වෙනස්කම් වෙයි කියලයි කියන්නේ. Mozilla Firefox 4 Design challenge කියල තමයි ඒ අයනම් මේකට කියන්නේ.
බලන්නකෝ අලුත් ගිනින‍රියා එනවයි කියන්නේ මෙහෙමයි.

ලස්සනයි නේද...?

ඒත් එක්කම කියන්න තියෙන්නේ Thanks for your time! කියලා තමයි. මොකද හ‍රිහමං වැදගත් දෙයක් ලියන්න බැරිඋනාට ඔයාලාගේ කාලෙනේ නේද.

අලුත් අවුරුද්දට අලුත් වැඩක්

2009-12-11T17:17:00.005+05:30

අලුතෙන් Blog එකේ ක‍රන්න දෙයක් කල්පනාක‍ර ක‍ර ඉන්නකොට තමා මල්ලී මට මේ අදහස දුන්නේ, වැඩේ මේකයි මගේ බ්ලොග් එකේ පෙනුම ගැන කස්ටිය මොකද හිතන්නේ (මගේ දේශීය ක‍රණ වැඩේ). ඒ වගේ බ්ලොගර් තීම් ටිකක් අලුත් අවුරුද්ද වෙනුවෙන් කට්ටියට දෙන්න තමා හිතුවෙ..... වැඩේට ටික කාලයක් යයි මොකද ඉස්ස‍රවෙලාම ටිකක් වැඩිපුර දෙන්න ඕන නිසාත් (මලයට නිවාඩු කාලෙ නිසාත්) අපි දෙන්නට මේක ක‍රගන්න පුලුවන් වෙයි කියල හිතුන නිසාත් තමා මේ ගැන කලින් කියන්නෙ.

තව දෙයක් කියන්න ඕන, මේ දෙන්න යන්නේ අපිම හදන ටෙම්ප්ලේට් නම් නෙවෙයි, වෙනස් ක‍රන එක තමා ක‍රන්නේ.
ඒ වගේම අත්හදාබලන්නත්, මට මේක ඉදිරියට ක‍රගෙන යන්නත් හැමෝගෙම උදව් ඕන.

Google Wave

2009-11-27T12:42:00.003+05:30

ඔන්න දැං සහන්ටත් පුලුවන් wave ආරාධනා යවන්න.

ඒත් මට නං පේන්නෙ රැල්ල දැන් ටිකක් අඩු වෙලා වගේ, මුල් දවස්වල තිබුණු කික් එක දැං බැහැල. ඒත් තාමත් wave නොලැබුණු අය ඉන්නවනම් මට කියන්න 16 දෙනෙකුට අවස්ථාව තියනවා,

Google wave ආවෙ නැති අය මට ඊ-මේල් ලිපිනය දෙන්න (comment එකකින්) මම ආරාධනාවක් එවන්නම්

Localization

2009-11-26T11:52:00.012+05:30

හැමෝම දේශීයක‍රණය ගැන කතාක‍රන නිසා මටත් හිතුනා ඔන්න දේශීයක‍රණය වෙන්න. හැබැයි ඒ සිංහල Vista වත් සිංහල Office වත් දාලනං නෙවෙයි.අපි සිංහලෙන් බ්ලොග් ලියනවා ඒ වගේම මට හිතුනා මාත් නිකම්ම සම්පූරණයෙන්ම ඉන්ටර්නෙට් සිංහල වෙලා නේද කියලා, මොකද මම කාලෙකිං ඉංග්‍රීසි වෙබ් සයිට් එකකට ගිහින් නෑ, හේතුව නම් ඉගෙන ගන්න දෙයක් උනත් මට මේ බ්ලොග් අත‍රින් හොයාගන්න පුලුවන් උන නිසා ඒ ත‍රමටම අපේ කට්ටිය ලංකාවෙ සිංහල බ්ලොග් ප්‍රචලිත ක‍රල තියනවා.ඔන්න ඔය හේතූන් නිසා මට හිතුනා මගේ බ්ලොග් එකේ තීම එකත් අපිටම අනන්‍ය එකක් උනොත් මොකද කියලා
ඒ නිසා ඔන්න මම මගේ බ්ලොගේ තීම් එක වෙනස් කලා How is That අපේ කම සහ අපේ උරුමය තමා දැන් මගේ බ්ලොගේ පුරාවටම, ප‍රන තීම එක නිකං සුකුරුත්තං වැඩී කියල නිත‍රම හිතුනා ඒකත් හේතු උනා අලුත් තීම් එකට බහින්න, හොඳයිද කියල කියන්න.

bestweb.lk හා myblog.lk සම්බන්ධව සිංහල බ්ලොග්කරුවන්ගේ සංසදයේ නිල ප්‍රකාශය

2009-11-18T11:49:00.014+05:30

ශ්‍රී ලංකා .LK වසම් ලේඛකාධිකාරිය (LK Domain Registry) මගින් මීට ටික කලකට පෙර Most Favourite Sri Lankan Website නම් තරගයක් ආරම්භ කරන ලදී. lk ඩොමේනයක් සහිත වෙබ් අඩවි මීට ඇතුළත් වීමට සුදුසුකම් ලැබූ අතර සිංහල, ඉංග්‍රීසි හා දෙමළ යන ත්‍රෛ භාෂා මාධ්‍යයෙන් අංශ 3න් තරග 3ක් පවත්වන ලදී. අදාල අංශයේ හොඳම වෙබ් අඩවිය තෝරන ලද්දේ පරිශීලක මනාපවලිනි. මේ කියන්නට සැරසෙන්නේ එම තරගාවලියේ අවසන් අදියරේදී රඟ දක්වන්නට සැරසෙන විකට ජවනිකාව පිලිබඳවය.
සිංහල බ්ලොග්කරුවන්ගේ සංසදය විසින් සිය සාමාජිකයන් වෙනුවෙන් නොමිලේ පවත්වාගෙන යන බ්ලොග් සේවය වන myblog.lk ද අප විසින් උක්ත තරඟයේ සිංහල භාෂා මාධ්‍ය අංශයට ඉදිරිපත් කරන ලදී. මනාප දැක්වීම අවසන් කරන දිනය වන විට එය අවසන් තරගකරුවන් 5 දෙනා අතරට පැමිණ ඇති බව දන්වන ලදී.

ඉන්පසුව තරඟ සංවිධායකවරුන් විසින් ඉදිරි වැඩ කටයුතු පිලිබඳව දැන්වීමට අප වෙත ඊමේල් පණිවුඩයක් එවන ලදී. සසික රණසිංහ නමින් එවා ඇති එහි සඳහන් ආකාරයට ත්‍යාග ප්‍රදානෝත්සවය නොවැම්බර් 20 වෙනි දින බත්තරමුල්ල Waters Edge හෝටලයේදී පැවැත්වෙනු ඇත. ත්‍යාග ප්‍රදානෝත්සවයට සහභාගී වන අය රු 3500/=ක් මිල වන ටිකට්පතක් මිලදීගත යුතු බව එහි පහළින් සඳහන් වන අතර, ටිකට්පත් ලබාගත හැකි ආකාර සවිස්තරාත්මකව සඳහන් කර ඇත.

ජයග්‍රාහකයන්ගෙන් මුදල් අයකර ත්‍යාග පිරිනමන තරගාවලියක් පිළිබඳව අපි මීට පෙර අසා නැත්තෙමු.

BestWeb.lk තරගාවලියේ ජයග්‍රහණය වෙනුවෙන් පිරිනැමෙන ත්‍යාගය වනුයේ සහතික පත්‍රයක් වන අතර. මේ සහතික පත්‍රය ලබාගැනීම සඳහා අදාළ අඩවිය නියෝජනය කරමින් පැමිණෙන සියලු දෙනා එක් අයෙක් රු 3500/= බැගින් වන පරිදි ටිකට්පත් මිලදී ගත යුතු ය! BestWeb.lk තරගාවලියේ නිල වෙබ් අඩවියේ (http://www.bestweb.lk/) සඳහන් පරිදි ලාංකික ආයතන හා සමාගම් රැසක් (ICTA, ඩයලොග්, සිරස මාධ්‍ය ජාලය, MTV, Sunday Times, Daily Mirror) මෙම තරගාවලිය සඳහා අනුග්‍රහකත්වය (Sponsorships) පිරිනමයි, එනම් මූල්‍යමය අනුග්‍රහයක් දක්වයි. එසේ තිබියදී ටිකට්පතකට රුපියල් 3500/=ක මුදලක් ජයග්‍රාහකයන්ගෙන් (නරඹන්නන්ගෙන් නොවේ) අය කිරීම අසාධාරණ නොවේද ?

සිංහල බ්ලොග්කරුවන්ගේ සංසදය වශයෙන් අපේ ස්ථාවරය නම් මෙය අපට කරන ලද අපහාසයක් ලෙස අප විසින් සලකන බවයි. මුදල් දී සහතිකපත් ලබාගැනීමට අපට කිසිදු අවශ්‍යතාවක් නැති අතර, මෙය මෙබඳු අන්දමේ තරගයක් බව මිට පෙර දැන සිටියානම් මෙම තරගයට ඉදිරිපත් වීමද අප විසින් නොකරනු ඇත. (මෙය ශ්‍රී ලංකා .LK වසම් ලේඛකාධිකාරිය මගින් සංවිධානය කිරීමත්, ICTA වැනි වගකිවයුතු ආයතනයක් අනුග්‍රහ දැක්වීමත් නිසා අප සිතුවේ මෙය ජාතික වැදගත්කමකින් යුතු එකක් ලෙස ය).

තරග සංවිධායකයන් අපට කර ඇති අවමානයට විරෝධය පෑමක් ලෙස සිංහල බ්ලොග්කරුවන්ගේ සංසදය මගින් ඉදිරිපත් කරන ලද myblog.lk අඩවිය Most Favourite Sri Lankan Website- 2009- Sinhala Category තරගයෙන් ඉල්ලා අස්කරගනු ලැබේ.

මෙයට,
සිංහල බ්ලොග්කරුවන්ගේ සංසදය.

(මගේ අදහස: මා අසා ඇති ආකාරයට සම්මානයක් සහතිකයක් ත්‍යාගයක් පිරිනමන්නේ ජයග්‍රහනයකදී හෝ සේවයක් ඇගයීමේදී වැනි අවස්ථාවකදීය, එහෙත් මා අසා නැති දෙයනම් සම්මානය සදහා සම්මාන ලාභියාගෙන් ඒ සඳහා මුදල් ලබාගැනීමයි. මෙය මහම මහ විලි ලැජ්ජා නැති ක්‍රියාවකි,විහිලුවකි, සම්මාන ලාභියාටත් කල අවමානයකි. එයට මාගේද බලවත් විරුද්ධත්වය)

ඇවිල්ලා ඇවිල්ලා.......!!

2009-10-19T00:40:00.016+05:30

ඔන්න කාලෙකට පස්සෙ එක ලඟම post දෙකක්ම දැම්මා, මේක දාන්න හේතු උනේ මොකද මගේ පරිගණකෙ පිස්සුනටන්න ගත්තා (හේතුව Registry clean කරන්න යෑම) දැන් දවස් දෙක තුනක ඉඳලා, Format කරන්න තියන කම්මැලිකම නිසාම කල්දදා ඉඳලා අසාධ්‍යම උනාම ඔන්න අද දවල් format කරලා Windows 7 RC දැම්මා. වෙනද නම් PC එක format කරලා ඉස්සරවෙලාම මම ඉන්ස්ටෝල් කරන software තමයි AVG නමුත් මේපාර දැම්මේ අපේ බිල් මාමගේ Virus guard එක(Microsoft Security Essential). ඔන්න ඊලඟට AVG Download කරන්න කියලා ගියා මෙන්න බොලේ AVG 9.0 ඇවිල්ලා...!!

මට මාරම හැපී..... පස්සේ හැපි හැපී AVG Internet Security 9.0 (trial) බාගත්තා උනුවෙන්ම (හැබැයි හිතපු තරම් Interface එකේ නම් වැඩි වෙනසක් නෑ).

ඉන්ස්ටෝල් වෙන්න දාලා ඊලඟ වැඩේ තමයි මගේ AVG Internet Security 8.5 serial එක තවම 2010 මැයි වෙනකල් තියන නිසා ඒක මේ AVG 9.0 ට වැඩද බලන එක. ඒකත් ඇල් වතුරට උල්පිහියෙන් ඇන්නා වගේ හරි. මම දැනට AVG free 7.5 / AVG free 8.0 / AVG free 8.5 / AVG Internet Security 8.5 භාවිතා කරලා තියනවා 2006 අවුරුද්දෙ විතර ඉඳලා මේ වෙනතුරුත් Virus වලින් නම් කරදරයක් වෙලාම නෑ. දැන් ඉතින් බලමු අලුත් පොරගේ වැඩ සහ කිඩ.... ඒත් පොඩි අලයක් නම් තියනවා AVG Internet Security 8.5 වලදී memory usage එක 800MB වලට වඩා ගිහින් නෑ ඒත් VG Internet Security 9.0 වල නම් memory usage එක 1400MB විතර වෙනවා.

ඕන කස්ටියට මෙන්න ලින්ක් තියනවා බාගන්න

AVG Internet Security 9.0 (trial)

AVG Internet Security 8.5 (trial)

AVG Internet Security 8.5 (paid version)

AVG Anti-Virus Free Edition 8.5 for Linux

Microsoft Security Essential

මේ කොපිකිරීමේ කලාවද? නැත්නම් කලාව කොපි කිරීමද?

2009-10-16T18:48:00.013+05:30

මට මීට හුඟක් කාලෙකට ඉස්සර (දැනට අවුරුදු දෙකකට වගේ කලින්) හම්බුනා ලස්සන video song එකක්.

(K.I.S.S. LIVE Peformance on KMTV's )

මේක කොරියාවෙ එකක්, මේකෙ නම තමයි because i'm a girl K.I.S.S එහෙමත් නැත්නම් KISS කියන කොරියානු සංගීත කන්ඩායමක Mini,Jini සහ Umji කියන තුන්දෙනා තමයි මේ සිංදුව කියන්නේ. මේ සිංදුවම භාෂා 9 කින් තියනවා (නමුත් කොපි නෙමෙයි එකම සින්දුව) මේ තියෙන්නේ ඒවා.

1.English version : "Because I'm A Girl" by Jini (Kiss member)
2.Mandarin version :(Mei You Ni De Mei Yi Tian) ("Days Without You")
3.Cantonese version : (Yi Chong Zhi) ("Wild Seed") by Bobo Chan
4.Tagalog (Philippines) version : "Kung Alam Mo Lang" by Roxanne "Roxie" Barcelo
5.Vietnamese version : "Noi Dau Muon Mang" by Anh Tie
6.Portuguese version : "Se você disser que sim"
7.Japanese version : "Onna Da Kara" by Azuki
8.Turkish version : "Görmez Olsun(bizim şarkımız)"
9.Spanish version : "Because I'm A Girl"

නමුත් මේ ඊයෙ පෙරේදා අපේ මල්ලී මට youtube වල පෙන්නුවා අර මුලින් කියපු වීඩියෝ එක අනුකරනය කරල හදපු කොපියක්. හැබැයි ඒක කරල තියෙන්නෙ නම් තමන්ගේම නිර්මාණයක් විදිහට සමහරවිට මේකෙ ඔරිජිනල් වීඩියෝ එක ලංකාවෙ වැඩිය ජනප්‍රිය නැති නිසා බලන අය හිතන්නේ හැමදාම ෂාරුක් ඛාන්ගේ ‍ෆිල්ම් වල කෑලි කොපි කරකර ඉඳල දැන්වත් තමන්ගෙම නිර්මාණයක් කොලා කියලා. කව්ද දන්නේ මේක කොරියාවෙන් කොපි කලා කියලා...(උඩින්ම තියන වීඩියෝ එකයි මේකයි හොඳින් බලන්න වෙනස පෙනෙයි)

මේ post එක කිසිවෙකුට පහර ගැසීමක් නෙමෙයි. මේ වගේ තව ගොඩාක් තියනවා ඉස්සර කාලෙ ඉදලම වෙන රටවල (ඉන්දියාවෙ) නිර්මාණ නිර්දය ලෙස අනුකරණය ලංකාවෙ කලාකරුවන් කියාගන්නා පිරිසක් විසින් කරන දෙයක්, මේ එක් උදාහරණයක් විතරයි.

කාටවත් දැන් මාව අල්ලන්න වෙන්නෑ මම දැන් කෝටිපතියෙක්

2009-09-18T22:47:00.008+05:30

අද ඒකියන්නෙ 2009.සැප්තැම්බර්.18. සිකුරාදා. මට මේ වාසනාව පෑදුනේ. කියවලම බලන්නකො
මං වගෙ වාසනාවන්තයන්ට මේ වගේ චාන්ස් ලැබෙන්නෙ

____________________________________________________________________
ATTN : CONGRATULATIONS YOUR EMAIL HAS WON THE 2009 SHELL LOTTERY PROMO.
Friday, September 18, 2009 9:01:40 PMFrom: SHELL LOTTERY PROMO
To:
--------------------------------------------------------------------------------
FROM: THE DESK OF THE VICE PRESIDENT INTERNATIONAL PROMOTIONS/PRIZE AWARDS DEPARTMENT SHELL LOTTERY INTERNATIONAL SWEEPSTAKES LOTTERY CORPORATION
REF: 475061725
Batch: 7056490902/188
Winning no: GB8701/LPRC
Date:19th of September 2009.
Dear Sir/Madam,
We are delighted to inform you of your prize which was released on 12th of September 2009. from the Shell International Lottery programmer, which is fully based on an electronic selection of winners using their e-mail addresses from some sites,was carried out through random selection in Our computerized email selection system (ess) from a database of over 21,000 e-mail addresses drawn from which you were selected.Your email address was attached to:
ticket number; 4703172547056990107
serial number 7741134222.
This batch draws the lucky numbers as follows 51-13-33-37-42 and
bonus number 17,which consequently won the lottery in
the second category.
You hereby have been approved a lump sum pay of US$1.3,000.000
(ONE MILLION THREE HUNDRED THOUSAND DOLLARS) in cash credit
file ref: ILP/HW 47501/09 from the total cash prize shared
amongst eight lucky winners in this category.
This Lottery was promoted and sponsored by a conglomerate of some multinational companies as part of their social responsibility to the citizens in the communities where they have an operational base. Furthermore, your details (e-mail address) falls within our African regional office in ACCRA, GHANA as indicated in your play coupon and your prize of US$1.3 MILLION will be released to you from this regional branch office in GHANA, To file for your claim, please contact our director of finance. Contact the claim agent with this information below
PLEASE NOTE THAT YOU ARE TO SEND THE BELOW
INFORMATION REQUIRED TO CLAIM YOU’RE WINNING PRIZE:
1. Full Name: .........................
2. Address: ........................
3. Nationality: ....................
4. Age: ........................Date of Birth: ......
5. Occupation: ......................
6. Phone: ..........Fax: ......................
7. State of Origin: .........Country: ................
8: Gender: ......................................
9:DELIVERY OPTIONS
DELIVERY OPTIONS:
(1): BANK SWIFT WIRE TRANSFER
(2): COME TO OUR OFFSHORE PAYMENT CENTER IN GHANA
(3): BY OUR COURIER FIRM,
THE CLAIMS AGENT CONTACT
Name: HAFIZ IBRAHIM
EMAIL: hafizibrahim@yahoo.com
Please quote your reference, batch and winning number which can be found on the top left corner of this notification as well as your full name, address and telephone number to help locate your file easily. For security reasons, we advice all winners to keep this information confidential from the public until your claim is processed and your prize released to you.
This is part of our security protocol to avoid double claiming and unwarranted taking advantage of this program by non-participants or unofficial personnel.
Note: all winnings MUST be claimed before two weeks, otherwise all funds will be returned as unclaimed and eventually donated to charity organizations.
YOURS SINCERELY,
Mr.John William
________________________________________________________________________________
රුපියල් බිලියන 1.49219467 කියන්නෙ කජු ඇටද කොස් ඇටද හප්පා........
ඔය කියන විදිහට දුන්නොත් ඔන්න මං ගානෙ SBU එකෙ සෙට් වෙන එකේ වියදම. මං කිවොත් කීවා

මල් ගැහිල්ල

2009-09-18T01:55:00.010+05:30

මනුස්සයෙක් උනාම තියනවනෙ එක එක ජාතියෙ addictions ඒ කියන්නෙ ඇබ්බැහි වීම්, මම කියන්නෙ හැමෝටම නෙමෙයි සමහරුන්ට. මම මේ කියන්නෙ මමත් කාලයක් තිස්සෙ එහෙම ඇබ්බැහි වෙලා ඉන්න දෙයක් ගැන.
ඔන්න ඉස්සර මම හරිම අකමැති දෙයක් තමයි Trip හපෝ ඔය වචනෙ ඇහෙනකොට මම හෙමිහිට ලිස්සල යනව, ඒ ඉතිං හුගක් වෙලාවට යන පුත්ගලයො මත තමයි ඒක තීරනය උනේ. පස්සෙ උනත් ඒකෙ වෙනසක් නම් නෑ. ඔහොම ඉන්නකොට තමයි මම මල් ගැහිල්ලට පුරුදු උනේ ඒ කියන්නේ Trip ගිහින් කට්ටිය විනෝද වෙන අතරෙ මම කරන්නේ ෂේප් එකේ හෙමිනි හෙමින් එතනින් මාරුවෙලා මල් ගහනවා.
මේ තියෙන්නෙ ගහපු මල්

මේ මල (උඩ තියන මල) අපේ ගේ ලඟ පිපුනේ කොල නෑ අවුරුද්දකට සැරයක් පිපෙන්නෙ මම හිතන්නෙ අලේ ඇති

මලට බඹරෙකු සේ (මං ආසම එක)

තව නොදාපු මල් වගේම අමුතුම ජාතියෙ Photos ගොඩාක් තියනවා ටික ටික දාන්න................ ඔක්කොම එකපාර දැම්මම අගයක් නෑනේ. තව දෙයක් මේ ඔක්කොම පිංතූර මගෙ Sony Ericsson P990i එකෙන් ගත්ත ඒවා. ඒ කියන්නෙ මෙගා පික්සෙල් 2කින්

අකුරු වලින් Image එකක් හදමුද - "Photoshop සිංහලෙන්"

2009-08-19T00:24:00.021+05:30

මට අද උදේ Matrix ‍ෆිල්ම් එකේ වෝල් පේපර් එකක් හම්බ උනා text efect එකකින් ලස්සනට හදපු. පොඩ්ඩක් හදන්න ට්‍රයිකරන්න ඕන කියල හිතුන නිසා අපි කවුරුත් දන කියන Adobe photoshop වලින් තමයි හදන්න උත්සාහ කලේ, ටිකක් දඟලනකොට පොඩ්ඩක් ඒ ෂේප් එකට image එකක් හදාගන්න පුලුවන් උනා. හුඟක් අය නම් මේක දන්නවත් ඇති. මේ විදිහට නැත්නම් වෙනත් ක්‍රමයකට (එහෙම කෙනෙක් ඉන්නව නම් මටත් කියන්න)

මේ තියෙන්නෙ Matrix ‍ෆිල්ම් එකේ image එක

මේන්න මේ විදිහට තමයි හැදුවෙ..

1. ඉස්සරලාම ටිකක් පැහැදිලි Image එකක් ‍තෝරගෙන Phtoshop වලින් open කරගෙන අනවශ්ය කොටස් Crop tool (c) එකෙන් Crop කරගන්න

2. Layer pallet එකට (F7) ගිහින් අලුත් layer එකක් ඇඩ් කරගන්න(Ctrl + Shift + n)

3. ඊලඟට foreground color එක set කරගන්න ඕන මම black ඒ කියන්නේ default color එක ගත්තෙ (D)

4. දැන් Edit > Fill එහෙමත් නැත්නම් (Shift + F5) ඔබල අලුතෙන් ගත්ත layer එක අපි ගත්ත foreground color එකෙන් fill කරගන්න ඕන

5. දැන් තමයි අකුරු type කරන්න තියෙන්නේ. ඒකට Type tool (T) අරගෙන Font එක Font color එක වගේම Font size එකත් අවශ්්‍ය ප්‍රමානෙට හදාගෙන සම්පූර්ණ image එකම select කරගන්න ඕන.

6. type tool එකෙන් select කර ගත්ත කොටස පිරෙන්නම අකුරු type කරල හරි copy කරල හරි දාගන්න මෙන්න මේ වගේ

7. Text layer එක select කරල vector mask එකක් දාගන්න ඕන මේ විදිහට

8. Text layer එක මතට Alt key එකත් සමග click කරල ඊලඟට අපි ‍තෝර ගත්ත background image එක ( Ctrl + a) select කරල Ctrl +c මගින් copy කරගෙන Text layer එක silect කරල past (Ctrl+v) කරල බලන්න කලු සුදු image එකක් පෙනෙයි මේ වගේ

9. Text layer එක මත ඇති කලු සුදු image thumbnail එක මත නැවත වතාවක් Alt key සමග click එකක් දැම්මම අපිට ඕන කරන විදිහට පිංතූරයක් ලැබෙනවා

මම හදපු sources file එක මෙතන තියනවා මේ ඉන්නේ මම කොහොමද ලස්සනයිද?

මම Adobe Photoshop සහ Adobe Flash සිංහලෙන් Tutorials ටිකක් දාන්න හිතාගෙන ඉන්නවා ලැබෙන ප්‍රතිචාර අනුව තමයි ඉතිං.......

අනතුරක් නැතිව ඉවත් කරමු

2009-08-15T18:25:00.003+05:30

සමහර විට මේක හුගක් අය දන්න software එකක් වෙන්නත් ඇති, ඒඋනාට මට හිතුනා මේක Blog එකට දාන්න(මම මීට පෙර මේ post එක මගේ ඉවත් කල sahan.myblog.lk වලත් පල කලා), මොකද මට නම් මේක සෑහෙන ප්‍රයෝජනවත් software එකක්. සමහර වෙලාවට pendrive එකක් හරි memory card reader එකක් default windos වලින් remove කලාම නැවත මොනවා හරි දාන්න හරි ගන්න උනොත් ගලවල ආපසු ගහන්න වෙනවා මේකෙන් ඒ ප්‍රස්නෙ විසදෙනවා .
මේක Win XP, Vista, 7 යන ඕන එකක හොදින් වැඩ කරනවා, අනිත් කාරනය තමයි memory card reader එකක memory card එක තියන slot එක විතරයි පෙන්නන්නේ අනිත් ටික hide කරගන්නවා.

ටොරන්ට් එක මෙතනින් බාගන්න

(හොදනම් comment දාන්න)

ප්‍රභලයා විසින් දුබලයා මැඩලීම හෙවත් WinXP ඉවත් කර Win 7 ඉන්ස්ටෝල් කිරීම

2009-08-06T21:08:00.001+05:30

අද උදේ ඉදන් ඒ කියන්නෙ උදේ 10.00 විතර ඉදන් රෑ 8.00 විතර වෙනකල් මම කලේ computer එකත් එක්ක දගලපු එක.මොකද අද දවසටම 3න් 4 වතාවක් Blue Screen ආවා මොකද කියලා බලනකොට අහුවුනේ මගේ 160GB HardDisk 2ක් තියනවා එකකට XP අනිකට Windows7 දාල තියෙන්නෙ, මට හිතුනේ ඒ දෙකේ මොකක් හරි නොගැලපීමක් නිසා තමයි BSOD ආවෙ. පස්සෙ තීරනය කලා XP වලින් සදහටම සමුගන්න. Windows 7 RC Image එක DVD එකකට ගහගෙන වැඩේ පටන් ගන්න කියල හදනකොටම තමා මතක් උනේ මම අතරමග නවත්තලා තිබුන Crysis ගේම් එක තියෙන්නෙ XP වලනේ කියලා. මම Crysis ගහන්න කියලා දැම්මට කවදාවත් ඕකට වෙලාවක් ලැබුනේ නෑ (මම මගේ ගේම් ගැන පස්සෙ දාන්නම්) පස්සෙ XP වලට ගිහින් ගේම් එක ඉවරම කලා ඊට පස්සෙ අලුතෙන්ම Win7 ට serial key එකක් අරගෙන windows 7 වලින් boot කරලා Win 7 තිබුන partition එකයි XP තිබුන partition එකයි format කලා Windows install වෙලා restart වෙනවනේ ඔන්න එතකොට කියපි BOOTMGR is missing කියලා ඉතිං කාටද කියන්නෙ මම ඕක හොයල දෙන්නැයි. දෙතුන් වතාවක් format කොලා ම්හ් එම..... පස්සෙ කාලිංග අයියට call එකක් දුන්න, කාලිංග අයිය කියපු විදිහට නම් BOOTMGR is missing කියලා එන්නෙ boot device එක අදුර ගන්න බැරි උනාමලු. පස්සෙ කරපු වැඩේ එහෙම්මම casing එක ඇතුලට අත දාල අනිත් Hard drive එකේ cable එක ගලවලා ආපහු boot කලා වැඩේ ගොඩ. දැන් තමයි අප්පිරිය වෙන වැඩේ softwares install කරන එක මොනව කරන්නද දැනට ඕනකරන softwares ටික විතරක් install කලා. දැන් printer එක ගන්නම බෑ කියනවා පස්සෙ laserJet P1005 vista drivers බාලා දැම්ම ඒකත් අල. පස්සෙ driver CD එකම දාල install වෙන අතරෙ Devices and Printers වලට ගිහින් printer එක manually දුන්නා එතකොට ඒකත් ගොඩ. වෙලාව 8.00ප.ව ත් පැනලා. දැන් ඉතිං ඒක ලියල ඉවර වෙලා film 1ක් බලන්නයි හදන්නෙ...

ගොටුකොල කනවට වඩා හොඳනැද්ද නාන එක

2009-08-04T22:15:00.007+05:30

මම මේ කියන්න යන්නෙ මටයි මගෙ යාලුවෙකුටයි උන නියම වැඩක් ගැන.යාලුව තමයි ජරමරේ (අකිල ) නමටම ගැලපෙන වැඩ තමයි කරන්නේ. අපි දෙන්නම කලොත් කරන්නෙ ආයෙ කියලවැඩක් නැති වැඩ. ඔන්න ලගදි දවසක මම ගියා අකිලලගෙ ගෙදර අකිලත් එක්කමයි ගියෙ අපේ Flash Devoloping පන්තිය ඉවරවෙලා පහට විතර තමයි කුරුණෑගලින් පොළොන්නරු බස් එකට නැග්ගෙ 7විතර උනා ගෙදර යනකොට. ගෙදර තියෙන්නෙ දඹුල්ලත් හබරණත් අතර සීගිරියට ලග. ඉතින් කොහෙ ගියත් ගිය ගමන් කොරන්නෙ කොම්පීටරේ දාගන්න එකනේ, අකිලට හොදට 3G තියනවා මොකද එහෙ සන්චාරක ප්‍රදේසයක් නිසා, ඌ ඉන්ටනෙට් යන්නෙ Huawei මොඩම් එකට අතට අහුවෙන සිම් එකක් දාලා ඔන්න එදත් Kit Broad Band prepaid sim එකට 50/=ක් දාලා පැය දෙකක් නෙට් ගියා. රෑට කෑවෙත් කොම්පූටරේ දිහා බලාගෙන. ඔන්න දැන් මූට නාන්න මතක් වෙලා දගලනවා ඒපැත්තෙ හවස 6 පැනපු ගමන් ඉතින් අලිනේ. මමත් ඔන්න බයෙන් බයෙන් ගිහින් පට ගාලා නෑවා අකිලත් නාල එනකල් මම අපේ පොතේ ගුරා කියපු EuroTrip ෆිල්ම් එක බැලුවා, බලලා Tea පාරකුත් දාලා නිදාගත්තා. උදේ මූන හෝදන්න ආවම තමයි වැඩේ මාට්ටු උනේ අපි දෙන්න රෑ නාල තියෙන්නෙ

ගොටුකොල…….!! අකිලලගෙ අම්ම හවස ගොටුකොල ගලවලා මැලවෙන නිසා මිටි බැදලා නාපු ටැකියට දාලා අපි ටැකියෙන් බාගයක්ම නාලා. ඉතින් කාටද කියන්නෙ ඔක්කොම හොදටයි කියලා ඒකෙන්ම උදේ මූනත් හෝදලා නිකන් හිටියා. කොහොමද කට්ටිය කියනවනේ ගොටුකොල කෑවම ලස්සන වෙනවා කියලා ඉතින් අපි ගොටුකොල නෑවා.

ඔන්න මමත් Windows 7 RC දැම්මා

2009-07-22T18:55:00.005+05:30

හැමෝම කියන නිසා මමත් ඩව්න්ලෝඩ් කරලා ඉන්ස්ටෝල් කලා, මරු OS 1ලස්සනට තියනවා, යුනිකෝඩ් එහෙමත් Default අරගෙන තියනවා.හැබැයි ලස්සන විතරයි වගේ මේකත් Windows 7 Beta එකත් අතර වැඩි වෙනසක් නෑවගේ. ලයිව් අප්ඩේට් කරන්න පුලුවන් එච්චරයි.වෙන දෙයක් නම් දැක්කෙ නෑ. නමුත් කියන්න සතුටුයි නිතර නිතර මේ වගේ නම් වෙනවා.

මොනව හරි save කරද්දි නම් මේක බලන්න ලස්සනයි struck. But Vista n XP වලට වඩා නම් හුගක් හොඳයි.ඒක නම් කිවයුතුමයි මොකද I Hate Vista.කියන්න අමතක උනා මොකක් හරි Install කරනකොටත් සුපුරුදු පරිදි struck struck.